صفحة جديدة أخبار مصر والعالم العربي، سياسة، اقتصاد، منوعات 
حوار فاطمة الجابرى
أية عرفينا بنفسك ؟
أنا أيه الشامى ، 20 سنة ، من محافظة الزقازيق ، كلية تجارة .
ازاى جاتلك الفكرة ؟
فى وحده زميلتي ف الكليه دايما بتقول ع نفسها وحشة أنا محدش هيبصلي أنا عارفه أن أنا وحشة ، والموضوع دا إستمر السنه الأولي بتاعت الكليه بتاعتي كنت بفضل أقنع فيها مبتقتنعش غير أني شفت ولاد كتير قدام عيني لما يشوفوا بنت وحشة بيستلموها تريقه لدرجة أن فيه بنت عيطت ف الشارع من كسرتها ، بعدها قررت أحط ميك أب زي اللي فى الصور دا مكنش بغرض تريقه ولا ضحك ف الأول كان بغرض أني اشوف تعليقات الناس لو أنا فعلا بالشكل دا اليوم اللي نزلت فيه الصورة 10000 كومنت تريقه وشتيمه والاغلب من بنات رغم أن الفكره كلها اني بحاول أساعد البنات ، بعدها لقيت ناس كتير بس مش أكتر من اللي ناقدوني معجبين بالفكره واللي بعملو وبيضحكو ع الصور حبيت موضوع أني أضحك الناس وبقيت أفرح اووي لما حد يضحك بحس أني عملت حاجه كويسة أيا كان الضحك دا تريقه ولا ضحك بجد .
ايه المشاكل اللى واجهتيها ؟
شتمية ونقد بقله أدب ، وبإهانه .
ورأى أهلك فى الموضوع ؟
شجعونى ، وأكتر حاجة مفرحانى أنى بضحكهم
تمام ولما جالك نقد كتير وفى ناس وصلت أنها شتمتك وأختى تريقة جامدة متهزتيش ولا أصرينتى أنك تثبتى نفسك ؟
