ياسمين الكرداوي تكتب .. انتبهي ياحواء

هل الفرح طريقه صعب وطويل أم الحزن والألم طريقهما أسهل وأقصر ؟ أم لا هذا ولا ذاك ؟ والإجابة أن الإنسان ضعيف أمام باب الفرح والسعادة أي أن الإنسان تطبع علي وجود الحزن في حياته ، وتعود عليه أم لا هذا ولا ذاك ولا ذاك ؟

هي أن الإنسان دائما يحن إلي الماضي ، الماضي الذي حطم قلوبنا في سن صغير لكل إنسان ماضي ولكن الماضي يختلف من شخص لآخر محظوظ ذلك الإنسان الذي يتذكر ماضيه ويبتسم وأشفق علي الشخص الذي إذا تذكر ماضيه أصيب بضربة حادة في منتصف قلبه وصداع يظل بالأيام بل بالسنوات ، لاحول لنا ولا قوة عن أي حياة تتحدثون ونحن في هذا السن مصابون بالإكتئاب والكبت  ، الماضي السئ أشبه بالسرطان اللعين الذي يأكل الجسم بالبطئ ولكن سؤال هل هذه النهاية ؟ 

الحل مش إننا نشوف نفسنا بنضيع ونسيب نفسنا فعلا نضيع ونسكت ونقول ده نصيبنا أو هي عيشة والسلام .

نتكلم بجد بقي شوية مفيش عندك حلم تجري وراه وتحققيه خليك ديما متفائل وعيش علي أمل ان بكرة جاي ومعاه كل حاجة بتحلم بيها .

انتبهي ياحواء ليه تضيعي عمرك في التفكير في الماضي ، سؤال التفكير في الماضي هيرجع اللي فات ويجعلك سعيدة بالعكس هيخليكي ديما كئيبة وضعيفة ، بصي في المراية وشوفي هي هي منذ خمس سنوات ، فكري بالمنطق ، كل واحد بيمر بتجارب في حياته فيها الحلو وفيها المر بتعلمه ، التجارب جعلتنا نخاف من المستقبل ، عقلنا اعتقد ان هذه نهاية الدنيا ، واننا لن نجد من نحبه ، لكن عايزة أقولك ياللي انتي فاكرة ده ،غلطانة ، الشخص اللي كلنا بنحلم بيه موجود ، مش شرط يكون حبيب ممكن يكون صديق بل توأم روح ، طمنا وحسسنا بالأمان .

ياحواء في حياتك الشخص اللي يستحق إن تخافي عليه وتثقي فيه ، مش معني إنك اتصدمتي مرة واتنين وتلاتة تفقدي الأمل والثقة في كل اللي حواليكي ، خليكي علي أمل إن المرة الرابعة هتبقي المرة اللي طول عمرك بتحلمي بيها_ بتضحكي ليه صدقيني_ هقولك حاجة من بنت زيك ، هخليكي تبعدي عن الخوف ده هي انك ترسمي الشخص اللي بتحلمي بيه في خيالك عايش معاكي كل لحظة ، تحكيله وتفضفضيله قبل ماتنامي عن يومك وإحساسك ، قوليله تصبح علي خير ياسبب سعادتي ياتوأم روحي ، قوليله أنا مستنياك وهفضل مستنياك ، إعملي كدة جربي مش هتخسري حاجة .

حاجة أخيرة هقولك تذكري ياحواء أن هناك شخص ما يهتم لأمرك دون علمك فكوني علي استعداد لمقابلة هذا الشخص .

والكلام ده مش لحواء بس لا ولآدم كمان .

 

 

 

 

 

 

 

 

 

 

 

 

 

 

شاهد أيضاً

بوتين: تعزيز التبادل التجاري مع مصر العام الحالى بزيادة 4 مليارات دولار

بوتين: تعزيز التبادل التجاري مع مصر العام الحالى بزيادة 4 مليارات دولار

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *