استمع: انا حاجز تذكرة مستعجل

سشي

أداء
أحمد المغلاوي و محمد العزبي

الكاتب
اسراء مجدي

-ازى الحال ؟
-انا عايش اهو , و انت ازيك ؟
-انا مش عايش
.. -دا انا جاي ارتاح اصلاً عندك .. بتقول كدا ليه !
-متاخدش ف بالك عديها .. ترتاح من ايه ؟
-ولا حاجة يا عم .. الدنيا رمتنى ف فوم غسيل .. و بقيت من وقتها متفرفِت .. و لسانى مع الناس بقى يفلِت .. و البنت اللى زمان حبيتها .. بعتتلى جواب انها راحت .. و كلام معظمه كان مش مفهوم .. تفتكر انا ممكن اشوفها ف يوم ؟
– متحطش أملك ع الأيام .. مبقتش تأكّل عيش دلوقت .. ولا حتى بقت تصرف أحلام .. انساها و حاول تتعايش .. و ان كنت زمان بتموت فيها .. دلوقتى اعمل نفسك عايش وعديها
. -على رأيك كله مسيره يروح .. انا بس اللى مأثر فيا .. انى معاها اتردتلى الروح .. انا كنت زمان مقدرش ابوح .. حتى لنفسى !.. و معاها بقيت واحد تانى .. تفتكر انا كدا ابقى أنانى ؟
-مش دى الفكرة .. الفكرة انها أخدت منك باسبور كان واخدك على”بكره” .. و اهى راحت و انت اللى مكانك .. و خلاص سلِّمت سيناريو الدور .. ازاى هتكمل أيامك .. و تقابل بكره بدون باسبور ؟
-هو انت مفكر انى كمان هلحق بكره ! .. انا يابنى خلاص مش عايز اعيش .. انا بدخل انام مستنى الموت .. و بقوم الصبح مابعرفنيش .. انا اصلا جاي اخدك بالحضن ..علشان تتعود ماتشوفنيش
–يعنى انت خلاص رايح مش جاى ؟ .. طب ما تأجّل .. أو خدنى معاك
-انا حاجز تذكرة مستعجل .. و هروح و امّا اوصَل هستناك
-وانا مش هقدر اعيش من غيرك … استناني … انا جاى معاك

شاهد أيضاً

المستشار القانونى للموسيقيين يكشف كواليس رفع الإيقاف عن أحمد سعد

المستشار القانونى للموسيقيين يكشف كواليس رفع الإيقاف عن أحمد سعد

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *